مذبحة الارمن (بالادلة التاريخية )

 بسم الاب و الابن و الروح القدس الاله الواحد .امين.:

#تاريخ_كنسي
======================================
القديس الشهيد يوحنا أسقف تلا
======================================
موضوع اليوم عن قديس وشهيد قليل الانتشار عنه بالرغم من انه شهيد امين وتقي و مهم جدا في التقليد السرياني و المسيحي المشرقي في الدفاع عن ايمانه ضد الهراطقة وهو الشهيد يوحنا اسقف تلا
اتولد يوحنا في مدينة كالينيكوم اللي كانت في مقاطعة اوسرويين ودي دلوقتي اسمها الرقة في سوريا سنة 482 ميلادي

اتعلم كويس وكان بيتكلم سرياني ويوناني ودخل دير مار زكاي اللي برا كالينيكوم وهو في منتصف العشرينات من عمره
اتسام اسقف على مدينة تلا سنة 518 على ايد يعقوب السروجي التقي وبعدها بفترة قصيرة اختاره المبارك ساويرس الانطاكي يبقى الممثل العام للبطريركية
سنة 521 الامبراطور جوستين الاول المهرطق نفاه عشان كان بيحارب الخلقيدونية لكن يوحنا ما سكتش وكمل خدمته علشان يحافظ على الايمان الميافيزي وكان بيرسم كهنة واساقفة كتير زي ما عمل يعقوب البرادعي
بحسب المؤرخين انه رسم عدد ضخم جدا من الكهنة والاساقفة حوالي 170 الف واحد في حياته علشان كده جستنيان الاول استدعاه للقسطنطينية سنة 532 او 533 علشان يحضر مجمع كبير وكان هو اللي بيراس وفد اللاخلقيدونيين وهناك دافع عن ايمانه ضد هرطقة الطبيعتين
واثناء الحروب بين الروم والفرس اللي كانت في بلده فضل يوحنا ثابت على ايمانه ورفض يغير او يساوم فبدأت السلطات البيزنطية تطارده وفي الاخر الفرس قبضوا عليه سنة 537 لانه كان بيشغل كنيسة ارثوذكسية في السر وخدوه لانطاكية وهناك اتحبس وفي الاخر اتقتل في السجن على ايد الخلقدون الهراطقة

لكن فوق كل ده يوحنا قدر يتعامل بحكمة مع الاضطرابات السياسية الكبيرة اللي كانت بتحصل في زمنه وكان مثال حي ان بالاصرار والغيرة القوية على الايمان الواحد يقدر يحافظ على العقيدة حتى لو الظروف كلها ضده
يوحنا كان كاتب غزير جدا وبينسب له ستة نصوص باقية بالكامل او بشكل جزئي وكمان شارك في كتابة نصين تانيين رسالة وبيان ايمان في كتاباته تناول مواضيع متنوعة زي الكريستولوجيا لاهوت المسيح والثالوث التريادولوجيا ودور المرأة في الكنيسة والهرطقات والقوانين الكنسية وشؤون الخدمة والقيادة الكنسية

استخدم كمان مصطلح يوناني اسمه بوليتيا بالسريانية ܦܘܠܝܛܝܐ واللي كان يقصد بيه شبكة الرهبان والكهنة اللي حواليه كأنها مجتمع كنسي منظم له هرم خاص ومستقل قائم بذاته وبيعلو فوق حدود الامبراطوريات الجماعة دي كانت بتحاول تعيش زي كنيسة العهد الاول بعيد عن اي نفوذ سياسي او خارجي لان يوحنا كان شايف بنفسه ازاي الاباطرة بيتدخلوا في الامور اللاهوتية والكنسية خصوصا الامبراطور جستنيان اللي كان بيتدخل وقتها بشكل واضح
كمان كان يوحنا بيقدم ارشاد روحي وده باين في كتابه ال٢٧ قانون للكهنة اللي كان بيوجه فيه كهنة القرى انهم يفضلوا ثابتين على الايمان الارثوذكسي رغم ضغط الدولة

والامبراطورية اتكلم كمان بتوسع عن سر الافخارستيا التناول ووصفه بانه اعظم واسمى الاسرار وشرح ازاي يتم التحضير له والتعامل مع الخبز الجسد والخمر الدم وحتى طريقة مناولته للخلقيدونيين وغيرهم اللي كان بيعتبرهم هراطقة وده الموضوع كان من اكتر الحاجات اللي بتتكرر في كتاباته
وجزء كبير من اعماله خصصه لتوضيح مهام الشماس ووصفه بانه عين الكنيسة اللي بيخدم الناس وقت مفيش حد يساعدهم زي دفن الغرباء ورعاية الايتام وكمان مسؤول عن الاعمال الاجتماعية للكنيسة وكان بيوضح بدقة دور الشماس اثناء الخدمة على المذبح مستندا على كتابات القديس اغناطيوس الانطاكي والشهيد يوستينوس الفيلسوف
ومن اشهر مواقفه دفاعه القوي عن تسبحة التلاتة تقديسات الارثوذكسية قدوس الله قدوس القوي قدوس الذي صلب لاجلنا واكد ان الجملة الاخيرة الذي صلب لاجلنا مش بس ارثوذكسية لكنها كمان النص الاصلي القديم اللي اتشال بعدين عن طريق التعديل و هنا هو بيشير لقصة القديسين نيقوديموس و يوسف الرامي لما قالوا الثلاثة تقديسات للمسيح قدام القبر بحسب التقليد
======================================
مراجع البوست :
(1) Harvey, S. Ashbrook (1990). "Asceticism and Society in Crisis". University of California Press (Translated from original Arabic). pp. 100–105.
(2) Cor-Episcopo K. Mani Rajan (2019). Martyrs, Saints & Prelates of The Syriac Orthodox Church (1st ed.). J. S. C. Publications.
(3) MENZE, VOLKER (2016-03-03). "PRIESTS, LAITY AND THE SACRAMENT OF THE EUCHARIST IN SIXTH CENTURY SYRIA". Archived from the original on 3 March 2016. Retrieved 2025-05-14.
(4) Menze, Volker L. (2006). "The Regula ad Diaconos: John of Tella, his Eucharistic Ecclesiology and the Establishment of an Ecclesiastical Hierarchy in Exile". Oriens Christianus. 90: 44–90.
(5) John of Tella's Quaestiones et Responsiones survive in several versions; see Vööbus, Syrische Kanonessammlungen, Vol. 1, B, 263-65. They were first edited with Latin translation by Th. Lamy in: Dissertatio de Syromm Fide et Disciplina Re Eucharistica, Louvain 1859, 61-97. A slightly different version, which is more accessible (with English translation), can be found in: The Synodicon in the West Syrian Tradition, Vööbus, 211-221 [Trans. 197-205].
(6) Andrade, Nathanael (2009-01-01). "The Syriac Life of John of Tella and the Frontier Politeia". Hugoye: Journal of Syriac Studies.
(7) Menze, V. L. (2006). The Regula ad Diaconos: John of Tella, his Eucharistic Ecclesiology and the Establishment of an Ecclesiastical Hierarchy in Exile. Oriens Christianus, 90, 44-90.
(8) Poggi and Mar Grigorios (Hanna Ibrahim), Il commento al Trisagio di Giovanni Bar Qürsas, in: OCP 52 (1986), 202-210

تعديل المقال