=======================
سنة 312 ميلادية عند جسر ميلفيان كانت هنا نقطة التحول الحاسمة في التاريخ كله.
الإمبراطورية الرومانية كانت متقطعة بسبب حرب أهلية وقسطنطين الكبير كان بيتحرك ناحية المدينة الخالدة (روما) علشان يواجه المغتصِب ماكسينتيوس. كل الظروف كانت ضده و ماكسينتيوس مسيطر على العاصمة، ومعاه تحصينات قوية جدا، وجيش ضخم ومدجج بالسلاح مستنيه عند نهر التيبر. علشان قسطنطين يكسب، كان محتاج أكتر من مجرد عبقرية عسكرية هو كان محتاج معجزة.
في الليلة اللي قبل المعركة الحاسمة، معركة جسر ميلفيان، قسطنطين رفع عينه للسماء. فوق شمس الظهر شاف صليب من نور متوهج، ومعاه أمر إلهي بيقول :
In hoc signo vinces «بهذه العلامة ستنتصر».
وفي نفس الليلة، المسيح ظهر له في حلم، وطلب منه إنه يستخدم الرمز السماوي ده كحماية ودفاع ضد كل أعدائه.
اللي حصل بعد كده كان واحد من أكثر أفعال الإيمان جرأة في التاريخ العسكري.
قسطنطين صحي من نومه وادى أمر ضد كل المنطق العسكري المعتاد : أمر جنوده الرومان المخضرمين اللي اتربوا على عبادة آلهة الحرب الوثنية إنهم يرسموا رمز جديد وغريب على دروعهم : الـ Chi-Rho، وهو المونوجرام أو الاختصار الرمزي لاسم المسيح.
قسطنطين راهن بحياته وبجيشه وبمستقبل الإمبراطورية كله على إعلان إلهي.
ولما الجيشين اتواجهوا عند جسر ميلفيان، قوات قسطنطين اللي كانت بتحارب تحت اسم المسيح حطمت صفوف العدو بالكامل. جيش ماكسينتيوس انهار واتشتت، وتمت هزيمة المغتصِب.
دخل قسطنطين روما منتصر وده كان علامة نهاية اضطهاد المسيحيين المدعوم من الدولة، ووضع الأساس الثابت للعالم المسيحي.
قسطنطين هو ماكسبش مجرد تاج ده خلّى أعظم إمبراطورية جت على الأرض تركع قدام ملك الملوك. و رب الأرباب يسوع المسيح الناصري.
بعده بسنة واحدة سنة 313 ميلادية أصدر مرسوم ميلانو الي خلي المسيحية ديانة معترف بيها و رفع الاضطهاد عن المؤمنين
=========================
المصادر :
العلامة لاكتانتيوس و احد المؤثرين في بلاط قسطنطين نفسه يعتبر معاصر للاحداث في كتابه :
On the Deaths of the Persecutors.Translated by William Fletcher. From Ante-Nicene Fathers, Vol. 7. Edited by Alexander Roberts, James Donaldson, and A. Cleveland Coxe. (Buffalo, NY: Christian Literature Publishing Co., 1886.)
و المؤرخ يوسابيوس القيصري في كتابه :
Life of Constantine.Translated by Ernest Cushing Richardson. From Nicene and Post-Nicene Fathers, Second Series, Vol. 1. Edited by Philip Schaff and Henry Wace. (Buffalo, NY: Christian Literature Publishing Co., 1890.)
اكتب رأيك في هذه المقالة