الحكاية من الاول ان التيارات دي في بدايتها كانت بتكفر الرياضة و الرياضين و بتعتبرها مضيعة للوقت اشهرها اراء سيد قطب ان المسلم يا يشتغل يا يعبد ربنا و بلاش الترف و التسلية و المسخرة دي
لغاية ما السعودية بدأت في تمويل مالكوم اكس و كان اول داعية اسلامي في الغرب ...مالكوم كان من اصحاب البشرة السوده المضطهدين في امريكا فئة منبوذه اكيد حاقده و ضاغنة علي الغرب الابيض المسيحي طبيعي دي خامة كويسة ننشئ منها مسلمين جدد في امريكا
في ضربة حظ دخل الرياضي كاسيوس كلاي ...و تحول الي محمد علي كلاي
كان اول رياضي في الثمانينات يتكلم عن الاسلام في الاعلام الامريكي و يقدمه كفسلفه شرقية و شريعة عدل و مساواة (زي شغل البوذيين و الهندوسيين دلوقتي)
للأمانة مكانش فيه تخطيط وراه ...خصوصا ان مالكوم اكس كان ابن قسيس انجيلي لما اعتنق الاسلام راح قدمه بنفس الطريقة هي هي
ومن هنا بدء الخليج يتابع الرياضة و يعرف مين هو محمد علي كلاي
هنا اكتشفوا قد ايه
تأثير الرياضين كبير جدا اكبر من تأثير الادباء و السينمائين و الفنانين
لأنهم بيخاطبوا الفئات الغير متعلمة في المجتمع و المراهقين و العواجيز و قطاع كبير جدا في المجتمع
مفيش قهوجي دبلوم مش بيشوف ماتشات محمد صلاح ...لكن مستحيل هيقرا لطه حسين و يشوف افلام يوسف شاهين
تأثير الرياضين علي الشارع عظيم
شوف كده كام طفل بيحلق زي كريستيانو شوف ازاي بيلبس زيه
شوف حتي اجسام الشباب بتتبني علي الاساس انهم يكونوا شبه رياضين بعينهم ده تشيرتاتهم النهاردة كاسرة في الشارع العربي كل التقاليد و الثقافات
علشان كده سهل تلاقي ممثلين مسيحين يخشوا السينما في مصر عادي مش هيأثروا كتير .......بس جرب كده تدور علي مسيحي يلعب كوره .....انسي .......ليه ؟؟....لأن تأثيره في الشارع هيكون اكبر و ده ضد فكرهم و ان الناس تكون تحت حكم اجرامهم الفكري و العقيدي بيبرروا عدم وجود لعيبة مسيحين بحاجات خايبة زي اهتمام المسيحين بالتعليم اكتر من الكورة 😂 اصله ٣٥ مليون مسيحي فمصر مفهمش حد يعرف يلعب 😂
علشان كده الاخوان اسسوا 3 لجان مهتمة انها تخترق الاندية الرياضية في مصر تمويلات و رعاية للاندية
فيه بحث كامل كتبه الباحث عمر فاروق عن الموضوع ده
و يمكن اكبر مثال ليك النهارده ابو تريكه الاخواني الي النخاع اللي دعم جماعة كله بيشهد انها ارهابية و المجتمع متقبلش انه يتقال عليه ارهابي زيهم
محمدوف لاعب الفنون القتالية المختلطة اللي فجأة حصل علي تمويل سعودي و كذا زيارة و تليمع من كل القنوات الاسلامية
علشان كده هتفهم ليه بيكرهوا محمد صلاح
و لنا في العراق حالي في كاس العالم المسيحين فيها مليون واحد فقط و لكن ليها منتخب فيه اربع لعيبة مسيحين و كتير من الاداريين عكس منتخب المتعصبين بتاعنا
صلاح مش مجرد لاعب حر في حياته ........ده بيهدد ال Stereo type اللي حاطينه للمسلم المتدين المشهور المحبوب المتعصب لدينه اللي مش بيفوت فرض
لا ده بيحتفل بالكريسماس و بنته بتتعلم موسيقي و مش مهتم بقضايا العرب و الظواهر الصوتية بتاعتهم صلاح بيحبط مجهود 30 سنة تمويل اسلامي للرياضين المؤثرين علي الرأي العام
https://www.alarabiya.net/arab-and-world/egypt/2020/12/18/%D8%A7%D9%84%D8%A7%D8%AE%D9%88%D8%A7%D9%86-%D8%A7%D9%84%D9%85%D8%B3%D9%84%D9%85%D9%88%D9%86-%D8%A3%D8%B9%D8%AF%D9%88%D8%A7-%D9%84%D9%80-%D9%83%D8%A3%D8%B3-%D8%A7%D9%84%D9%85%D8%B1%D8%B4%D8%AF-%D9%83%D9%8A%D9%81-%D8%AD%D8%A7%D9%88%D9%84-%D8%A7%D9%84%D8%A7%D8%AE%D9%88%D8%A7%D9%86-%D8%A7%D8%AE%D8%AA%D8%B1%D8%A7%D9%82-%D8%A3%D9%86%D8%AF%D9%8A%D8%A9-%D9%85%D8%B5%D8%B1-%D8%A7%D9%84%D8%B1%D9%8A%D8%A7%D8%B6%D9%8A%D8%A9%D8%9F?fbclid=IwY2xjawSpFltleHRuA2FlbQIxMABicmlkETF3ZkZkYVJidG5vWXo0bUVWc3J0YwZhcHBfaWQQMjIyMDM5MTc4ODIwMDg5MgABHiAVJbUuUOvJs6BHcPy3NYZOzlR-9Gf9Z3eOTFlzWo-cvEVtuwX0MCWYiwAy_aem_HkWDt3BHMatMictWqQyCOQ
منقول مع إضافات مني
من الاخ Constantine Theodosius
اكتب رأيك في هذه المقالة