القرأن يؤمن ان المسيح في رسالته وعد في رسالته ان هيجي نبي بعده اسمه احمد ...و لأن المسلمين ملقيوش اي حاجه في الانجيل عن احمد ...قرروا ان الانجيل محرف
بس خلينا نسأل سؤال ...لو كان فعلا المسيح بلغ عن شخص اسمه احمد و اللي بينسخوا الكتاب قرروا يحذفوه ...هل الحذف كافي ؟؟!
في الواقع انا عايزك تتخيل معايا معلومه زي دي كانت هتبقي منتشره فين تاني غير الكتاب
يعني اولا كان لازم تبقي مذكوره في كتابات المؤرخين الوثنين عن المسيح (زي ما قاله انه اتدعي الالوهيه بالأولي يقولوا ان فيه حد بعده!!)
كان لازم يبقي موجود في التلمود و كتابات الاعداء اليهود مش منطقي يعني اليهود يشوفوه بيقولهم هيجيلكم نبي عربي و يسيبوه في حاله بدون ما يشهروا بيها في كتبهم انها جريمه ازاي الله الي اختر شعب اسرائيل فقط يجيب نبي من برة ؟ ممكن يبعت أنبياء برة زي يونان لكن يجيب واحد من برة ازاي ؟
بالنسبه للمسيحين فحياتهم مش بتنتهي عند الكتاب
عندك ليتورجيا و الحان و تراث و لنا في الكتاب المقدس نفسه بعض نصوص كانت ترانيم مسيحية استخدمها الوحي عن طريق الكتبة كنصوص مقدسة لإثبات إنها عقائد راسمة زي ترنيمة فيلبي ٢ : ٥-١١ يقال بحسب أغلب الابحاث انها من أوائل الأربعينات في القرن الأول يعني بعد المسيح ب اقل من ١٠ سنين
انت متخيل بس كام مسيحي كان هيبقي اسمه احمد لمجرد النبوه دي...ما هو هيبقي اسم زي اسم عمانوئيل كده
انت متخيل كم الاختلافات و التأويلات و التفسيرات اللي كان ممكن الاباء يختلفوا عليها
و ده يوصلنا لنقطه و هي استحالة وجود اية زي كده
الا في حاله واحده و هي ان عيسي قال المعلومه دي للحواريين كلهم قرروا مع بعض انهم يحذفوها من الانجيل بنفسهم
و هنا يبقي عيسي لم يبشر بمحمد اصلا للناس
و الحواريين بس هما اللي سمعوها و قرروا يحرفوا الانجيل
طب حلو السيناريو ده ...نقول ان الحواريين دول هما المدلسين
للاسف بقي القران وقف ضدك ....لأن القرأن نفسه قالك ان عيسي بشر عن احمد لبني اسرائيل كلها
وقفات "وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُم مُّصَدِّقًا لِّمَا بَيْنَ يَدَيَّ مِنَ التَّوْرَاةِ وَمُبَشِّرًا بِرَسُولٍ يَأْتِي مِن بَعْدِي اسْمُهُ أَحْمَدُ فَلَمَّا جَاءَهُم بِالْبَيِّنَاتِ قَالُوا هَذَا سِحْرٌ مُّبِينٌ"
ده مش بس كده ده بيقولك البينات (المعجزات) جات علشان يأكد المعلومه دي
فأنت كده لو حاولت تعيش الفيلم الدرامي بتاع ان الرسل حرفوا المسيحيه ده تبقي عبيط ...لأنك محتاج دليل من بني اسرائيل يقولوا فيه ان عيسي حدثنا عن رسول عربي و احنا مصدقناش..لأن القرأن بيقولك انه كلم بني اسرائيل
منقول من المحبوب Constantine Theodosius مع إضافات مني.
اكتب رأيك في هذه المقالة