#تاريخ_كنسيالشهداء كهنة الإسكندرية الأربعة اثناء عصر الاضطهاد الخلقدوني
دول كانوا من أول الكهنة اللي راحوا ضحايا للعنف الخلقيدوني المباشر بعد المجمع بعد ما مات الإمبراطور مرقيان اللي كان نصير مجمع خلقيدونية سنة 457م شعب إسكندرية افتكر إن الفرصة جت عشان يتخلصوا من البطريرك الخلقيدوني الخاين اللي السلطة فرضته عليهم وهو بروتيريوس اللي كان واخد مكان البابا القبطي الشرعي ديسقوروس اللي اتنفى بعد المجمع و هو خاين لأنه اسكندراني الاصل لكن خان معلمه ديسقورس و أمن بمجمع الهراطقة خلقدونية فثار الشعب والرهبان في إسكندرية وعيّنوا بطريركهم القبطي تيموثاوس التاني وفي وسط الاضطرابات دي القائد العسكري البيزنطي في مصر بعت فرقة من العساكر عشان يطفّوا التمرد ويحافظوا على البطريرك الخلقيدوني فاتجهوا لكنيسة الملاك ميخائيل وكنيسة الكيساريون اللي كانت من معاقل الأرثوذكس غير الخلقيدونيين دخل الجنود الكنيسة بعنف عشان يرهبوا المصلين والكهنة ويفرضوا النظام بالقوة لكن الكهنة اللي جوه رفضوا يخضعوا أو يوقفوا الصلاة بالطقس الأرثوذكسي أو وقف القداس الي كان شغال فقامت مواجهة مش متكافئة بين كهنة عزّل وجنود مدججين بالسلاح الجنود قتلوا ناس من المصلين وقتلوا بالذات أربعة من الكهنة بالسيوف جوه الهيكل قدام المذبح واستشهادهم بقى رمز لبداية عصر الاضطهاد الدموي اللي اتسفكت فيه دماء رجال الدين جوه أماكن العبادة المقدسة و تاني شهداء لأجل الإيمان الامين بعد الشهيد القديس مكاريوس اسقف ادكو وبعدها بوقت قصير البطريرك الخلقيدوني بروتيريوس نفسه اتقتل على إيد لصوص في الليل بحسب وصف المؤرخ القديس زكاريوس ريتور و وصف سنكسار الكنيسة
لكن في اقوال اخري من المؤرخين الخلقدون زي إيفاجريوس سكولاستيكوس
بيقولوا إن الي قتله أهل الاسكندرية الغاضبين لكن شهادته غير مضمونة لأنه وصف الكنيسة القبطية بالهرطوقية و ده معتاد من اتباع الكذب الخلقدوني الاتهامات الباطلة بالهرطقة للكنايس الميافيزية
==============================
مراجع :
(1) Hamilton, F. J., and E. W. Brooks (translators). The Ecclesiastical History of Zacharias Rhetor. London: Methuen & Co., 1899.Book III, Chapters 1-9
(2) Gaddis, Michael. There Is No Crime for Those Who Have Christ: Religious Violence in the Christian Roman Empire. Berkeley: University of California Press, 2005.Chapter 5: "The War of the Bishops"
(3) Walford, Edward (translator). The Ecclesiastical History of Evagrius Scholasticus. London: Henry G. Bohn, 1854. (Reprinted by various publishers).Book II, Chapter 8
(4) السنكسار القبطي
اكتب رأيك في هذه المقالة