مقارنة شاملة بين الاسلام و المسيحية

 

هل قال اوريجانوس بالخلاص الشامل و خلاص الشيطان ؟
واحدة من اكتر المواضيع المنتشرة عن احد آباء الكنيسة الكبار و هو العلامة أوريجانوس و هو نصوص منسوبة له بأنه علم بخلاص الشيطان و خلاص كل الناس.
لكن هل الكلام ده حقيقي و هو قال كده ؟
==============================
الإجابة مش مني بل من فم اوريجانوس نفسه :
في اول فقرة من رسالته لصحابه في الاسكندرية اوريجانوس كان بيدافع عن نفسه وبيقول ان في ناس بينسبوا له كلام انه بيقول الشيطان هايتخلص وبيعلق على الكلام المنسوب له وبيقول :
(إنهم يعلنون أنني أعتبر أن الشيطان أبو كل شر وهلاك، والذين سيخرجون من ملكوت الله سيخلصون، وهو أمر لا يستطيع أحد أن يقوله حتى ولو كان قد خرج عن رشده وكان مجنونًا بشكل واضح).
=======
وفي فقرة تانية بيتكلم عن ازاي الهراطقة زمان زوروا رسائل للقديس بولس الرسول بتعاليم مخالفة وكتبوا عليها اسمه فمش عجيب ان تعليمي انا كمان يتزور ويتغش بنفس الطريقة زي رسالة بولس الرسول
وبيحكي اوريجانوس عن سبب الكلام الهرطوقي اللي اتنسب له وبيقول ان واحد من المهرطقين بعد نقاش بينه وبين اوريجانوس قدام ناس كتير اخد ورقة مكتوب فيها كلام اوريجانوس من اللي كانوا بيسجلوا النقاش وغير وحط وشال زي ما هو عايز وشال كلام اوريجانوس وحط كلام هرطوقي ونشر الورقة وكانها من اعمال اوريجانوس الاصلية وبعد ما النسخة ديه انتشرت وناس كتير سخطت على اوريجانوس قابله وبخه على اللي عمله فالراجل رد عليه بكلام و قال :
(فعلت ذلك لأنني أردت تحسين هذا الكتاب وتطهير ما فيه من عيوب).

فا أوريجانوس رد عليه و قال :
(“أي نوع من التطهير كان هذا الذي طبقه على أطروحتي؟ مثل هذا التطهير مثل ماركيون، أو أبليس خليفته، بعد أن أضافوا إلى الأناجيل وكتابات الرسول؛ لقد قاموا بتخريب النص الحقيقي للكتاب المقدس. وبالمثل، أزال هذا الرجل أولاً الأقوال الحقيقية التي أدليت بها، ثم أدخل ما هو كاذب ليقدم سببًا للاتهام ضدي.”).
======
و بيعلق اوريجانوس على اللي حصل ويقول ان اللي زوروا كلامه دول ناس مش اتقياء ومهرطقين واللي بيصدق الاتهامات ديه عليه مش هايفلت من دينونة ربنا لانهم بيعملوا كده عشان يثيروا العثرات في الكنيسة
وبيكمل اوريجانوس انه كان دايما بيشتكي ان في اعمال كتير بتتزور وتتكتب باسمه وينسبوها له
وفي الاخر بيختم اوريجانوس رسالته و يقول :
(إذا كان هناك من يرغب في أن يثق بي على الإطلاق – فأنا أتكلم أمام الله – فليصدق ما أقوله عن الأشياء التي تم إدراجها كذبًا في رسالتي. ولكن إن كان أحد يرفض أن يصدقني، ويختار أن يتكلم علي بالسوء، فليس لي أن يسيء إلي. إنه هو نفسه سيقدم كشاهد زور أمام الله، لأنه إما يشهد زورًا ضدي او يعطي...).
========
الرسالة المذكورة في المقال (مرجع مهم) :
https://www.orientalorthodoxy.com/library/texts/fathers/origen-letter-to-friends/?fbclid=IwVERDUAMkFKdleHRuA2FlbQIxMAABHhfFGI3QC6uSrvtK0hAAwATMzlEBDnWG_Kj1TCI9m6NusE67ZsO5O3N-3Xii_aem_P_3qSERbZ41gss5TB1eBhQ
=========

Apokatastasis

الي استخدمها اوريجانوس معناها باليوناني : الاسترجاع / الإعادة للوضع الأول.

أوريجانوس كان بيتأمل في آيات زي :

"لكي يكون الله الكل في الكل" (1كو 15: 28)

"ويصالح به الكل لنفسه، عاملًا الصلح بدم صليبه، بواسطته، سواء كان ما على الأرض أم ما في السموات" (كو 1: 20).

ومن هنا قال إن في نهاية الأزمنة، ربنا هيعمل عملية "إعادة ترتيب" للخليقة كلها، بحيث الشر ما يبقاش ليه مكان، وكل حاجة ترجع تخضع للمسيح.

فا فكره كان رجاء شامل مش خلاص شامل لكن بصيغة غريبة شوية بس ده مضمونها

هو قال بالرجاء الشامل مش الخلاص لكن كلامه هنا اتفهم غلط من ناس كتير بسبب صياغته الغريبة لكن هو بيتكلم عن الرجاء حتة الخلاص الشامل ديه كلام هراطقة و هو بنفسه نفي عن نفسه ده قال مجنون الي يقول ان الشيطان هيخلص و حتي بعض الكلام المنسوب ليه في كتاب المبادئ بتاعه مش كله كلام اوريجانوس لان النسخ الأصلية مفقودة الي موجود وصلنا مترجم للاتينية عن طريق روفينوس و هو بنفسه قال إنه شال أو عدّل أجزاء لاهوتية و فيه كمان ترجمة تانية للاتينية عملها جيروم فيها اتهامات واضحة لأوريجانوس لكن بدون دليل قاطع بل كلام منتشر من الناس او كتابات خاطئة منسوبة له النصوص اللي في إيدينا مش كلها خام من أوريجانوس، وفيه اضافات سواء من خصومه او الهراطقة او حتى تعديلات من محبيه.

=========
و كمان هستشهد بالقديس ديدموس الضرير (بصير القلب) تلميذ اوريجانوس في دفاعه عن معلمه ضد كل الناس الي بيتهموه بالهرطقة باطل :
[الذين يتهمون أوريجينوس بالهرطقة هم عديمو الفهم، ليس لهم قدرة على إدراك الأفكار العالية والحكمة الغامضة التي امتاز بها ذلك الرجل العظيم الذي يعد من النوابغ المشهورين]

العلامة اوريجانوس اه له افكار غامضة و غريبة لكن مش منها الخلاص الشامل او خلاص الشيطان و هو بنفسه انكر كل ده

تعديل المقال