.jpg)
الرد علي شبهة تشابه معجزات المسيح و معجزات الشيطان
مش أي حد يعمل معجزات يبقى إله يعني ده منطق عقيم و ساذج
لأن المعجزات ممكن تيجي من مصدرين :
معجزات حقيقية من الله (زي اللي عملها المسيح لانه هو الله المتجسد)
معجزات مزيفة بقوة الشيطان (زي اللي هيعملها المسيح الدجال)
وده الفرق الجوهري بين الاتنين، اللي هتكلم عنه بالتفصيل دلوقتي
المعجزة: المسيح ولا الشيطان؟
المسيح يسوع عمل المعجزات بقوته الذاتية كإله، أما المسيح الدجال فمعجزاته بمساعدة إبليس.
الَّذِي مَجِيئُهُ بِعَمَلِ الشَّيْطَانِ، بِكُلِّ قُوَّةٍ، وَبِآيَاتٍ وَعَجَائِبَ كَاذِبَةٍ،" (2 تس 2: 9).
يعني الدجال مش بيعمل المعجزات بنفسه ، لكن إبليس هو اللي بيديله القوة دي علشان يخدع الناس.
هدف المعجزة بيكون خلاص ولا خداع ؟
المسيح كان بيعمل المعجزات علشان يعلن محبة الله وخلاصه، ويدعو الناس للتوبة والإيمان.
أما الدجال فهدفه يضلل الناس ويبعدهم عن الإيمان الحقيقي.
الآية ديه بتوضح الفرق :
"لأنهم لم يقبلوا محبة الحق حتى يخلصوا. ولأجل هذا سيرسل إليهم الله عمل الضلال حتى يصدقوا الكذب"
(٢ تسالونيكي ٢: ١٠-١١)
يعني الدجال هييجي علشان يخدع الناس اللي رفضوا الإيمان الحقيقي، وده اختبار من ربنا للي قلبهم مش صادق في طلب الحق.
تعليم المعجزة بيكون برّ وتقوى ولا إنكار الحق ؟
المسيح كان بيكرز بالتوبة ومحبة الله ومحبة الأعداء والإيمان الحقيقي.
أما المسيح الدجال فهيروّج لتعاليم مخالفة تمامًا للحق، وهيحاول يخلّي الناس تنكر المسيح الحقيقي
بجانب يعني بالعقل و قراية مواصفات كل شخصية في الكتاب المقدس مفيش مقارنة من الأساس
اكتب رأيك في هذه المقالة