الحملة دي شملت مذابح ونفي و اغتصاب و حرق و تعذيب من المناطق دي وكمان حملات قتل واسعة ضد الأقليات دي
عدد الضحايا حسب المصادر كان حوالي من نص مليون يوناني الي 750 الف و اغلب المصادر الي بتوصف مجازر الأتراك وقتها و بتقول إنه تم ذبح قرابة 4.5 مليون مسيحي في الدولة العثمانية و ما بعدها و إن الارمن هم الي اخدوا الجزء الأكبر من الابادة الي حصلت للمسيحين برقم تقريبي 3 مليون شهيد ارمني.
حسب جريدة (التايمز اللندنية) السلطات التركية قالت بشكل صريح إن نيتهم كانت التخلص من كل اليونانيين وإن أفعالهم كانت بتأكد كلامهم
و(جريدة بلفاست الإخبارية) كتبت إن القصة المرعبة من الوحشية والبربرية اللي الأتراك بيمارسوها دلوقتي هي جزء من سياسة منهجية لإبادة الأقليات المسيحية في آسيا الصغرى
أما جريدة (كريستيان ساينس مونيتور) فقالت إن الأتراك حسوا بالحاجة لقتل الأقليات المسيحية بسبب التفوق المسيحي في الاجتهاد والشغل وده خلق عند الأتراك شعور بالغيرة والدونية
وقالت إن النتيجة كانت تولد مشاعر قلق وغيرة عند الأتراك وده خلاهم في السنين اللي بعد كده يحسوا بإحباط لإنهم شايفين نفسهم مش قادرين ينافسوا رعاياهم المسيحيين في مجالات السلام والشغل
وكانوا شايفين إن المسيحيين وخصوصا اليونانيين في مناطق بنطس و ازمير (نيقية) ناجحين ومتعلمين ومجتهدين أكتر منهم
وعشان كده من وقت للتاني كانوا بيحاولوا يعدلوا التوازن بالطرد والمذابح
وده كان حال أجيال سابقة في تركيا بس القوى العظمى ما كانتش حكيمة ولا عادلة كفاية في تعاملها مع سوء الحكم التركي ضد المسيحيين
في سنة 1923 اتعملت اتفاقية تبادل سكاني بين اليونان وتركيا وكانت مبنية على أساس الهوية الدينية
والاتفاقية دي شملت نقل المسيحيين اليونانيين اللي عايشين في تركيا لليونان
ونقل المسلمين اللي عايشين في اليونان لتركيا
وده كان أول تبادل سكاني إجباري واسع النطاق في القرن العشرين
اتفاقية التبادل السكاني بين اليونان وتركيا سنة 1923 اتوقعت بين الحكومتين التركية واليونانية في مدينة لوزان في سويسرا يوم 30 كانون الأول 1923
وشملت تقريبا نقل حوالي مليونين شخص
مليون ونص منخم مسيحيين كانوا عايشين في تركيا
ونص مليون مسلمين كانوا عايشين في اليونان
وأغلبهم اتهجروا بالقوة وبشكل قانوني من أوطانهم
والتبادل السكاني ده أثر بشكل سلبي على الطبقة البرجوازية في تركيا لإن المسيحيين كانوا جزء مهم وكبير من الطبقة دي
زي معرضت فوق مذبحة اليونانين كانت متزامنة مع مذبحة الارمن الي نزلت عنها قبل كده بالأدلة ديه المقالة :
https://siervodejehova1.blogspot.com/2025/04/blog-post_15.html?m=1
و المذبحة السريانية (سيفو) :
https://siervodejehova1.blogspot.com/2025/08/blog-post_17.html?m=1
مرجع شامل للقراءة و التوثيقات في نهاية المقالة :
https://en.wikipedia.org/wiki/Greek_genocide
صور من اجرامات العثمان و المجازر :
اكتب رأيك في هذه المقالة