===================================
انا مش من عادتي ولا هتكون عادتي اعلق علي الاحداث الجارية او علي حلقات بتنزل من اي شخص لكن جالي فضول اشوف حلقة الدحيح الاخيرة بسبب انه اتعملي مشاركة من كذة شخص و الحلقة بالمعنى الحرفي كلها كوارث و انتقائية و كدب و انصاف حقايق لكن مش مستغرب لما شفت مصادره و كاتب الحلقة .
اول نقطة بخصوص إن الكتاب المقدس كان بالاتيني فقط و مفيش ترجمات له و ده كان الوضع في أوروبا و العالم المسيحي كله .
هو أوروبا الغربية و الوسطي ممكن اتفق معاك لكن ازاي وضع العالم المسيحي كله ده ازاي و اصلا الكتاب المقدس اترجم لعشرات اللغات المحلية من القرون الاولي و اولهم اللاتيني في القرن التاني لان الكتاب المقدس كان مكتوب (باليوناني و العبري و الارامي) فا في كل منطقة دخلتها المسيحية الكتاب موجود بلغة الشعوب
بجانب ازاي الكنيسة في كل العالم وقتها احتكرت تفسير الكتاب المقدس اومال ترجماته من بدايات القرن التاني فيما فوق زي القبطي (القرن التاني) و السرياني و العربي (الشهداء الحميريين كمثال كانوا مسيحين اتقياء عرب من حمير اليمن و نجران من القرن التالت الي التامن) و الامهري (الحبشي) و الارمني و السلافي و الجرماني و الجروجي و غيره كتير من اللغات المحلية كل ده كانوا بيعملوا ايه في بيوت المسيحين و تفاسير الآباء عند الارخانات لو جينا لمسيحين الشرق و كمان هذه الكذبة إنه كان لاتيني فقط مش لغات اخري محي عن قصد الف سنة من المسيحية كان المسيحين بيترجموا فيها الكتاب المقدس من اليوناني لكل اللغات المحلية و المسيحين من اول الرهبان الي البطاركة بيترجموا و يفسروا الكتاب المقدس عادي و تفاسير سليمة مدام مش ضد التقليد المسلم من الرسل
ده كانت اول نقطة
و هذه المخطوطات اتكلمت عنها أثناء شرحي للنقد النصي و نصوص الكتاب المقدس و ذكرت تواريخ كل هذه الترجمات ضد كذبة انه لاتيني فقط في كل العالم المسيحي في حين إن الشرق كان مليان لغات محلية بتقرا و تفسر الكتاب المقدس :
المقالة الاولي (الفاصلة اليوحانية) :
https://siervodejehova1.blogspot.com/2024/09/blog-post_14.html?m=1
المقالة التانية (خاتمة إنجيل مرقس) :
https://siervodejehova1.blogspot.com/2024/10/blog-post_12.html?m=1
الشهداء الحميريين العرب وجودهم ده دليل ان بعض أجزاء الكتاب المقدس ترجم للعربي لغة محلية :
https://siervodejehova1.blogspot.com/2025/09/blog-post_20.html?m=1
(الإنجيل كان بيتقري وبيتشرح بالعربي ، وفعلا كان فيه ترجمات لأجزاء منه أو قراءات كنسية بالعربي، حتى لو ماكانتش تدوينات كاملة للكتاب كله زي اللي كانت موجودة بالسرياني أو القبطي)
====================================
تاني نقطة و هي محاربة الإمبراطور البار ثيودسيوس الاول للوثنين و للهراطقة و الادعاء كذب إن المسيحين بيقتلوا المخالف لهم كأننا ديانة همجية زي البعض كده .
ده اقتصاص تدليسي و غير امين لهذه الفترة و تجاهل لما كان قبله
قستنتين الإمبراطور نفسه كان اريوسي الهوي نفي اثناسيوس الي تريفير سنة 335 مرة بعد نياحة والدته هيلانة القديسة.
يوليانوس الجاحد حاول يرجع الوثنية و ارتكب مجازر بشعة و شنيعة في حق المسيحين
=========
قسطنطيوس الثاني (Constantius II)
ابن قسطنطين الكبير
ده كان الحاكم الفعلي للشرق وبعدين للإمبراطورية كلها، وهو أكبر داعم للأريوسية.
مع المؤمنين الارثوذكس الراجل ده كان كابوس للقديس أثناسيوس الرسولي. هو اللي نفا أثناسيوس أكتر من مرة، وحاول يفرض العقيدة الأريوسية بالقوة على الأساقفة في المجامع (زي مجمع صور ومجمع ميلانو). كان شعاره : "ما أريده أنا.. هو القانون الكنسي".
و كان بيكره الوثنين و ارتكب فيهم مجازر
========
و بعده جه شخص أكتر إجرام منه و هو الإمبراطور فالنس :
الإمبراطور المتعصب ده جه بعد فترة قصيرة من حكم يوليانوس الجاحد (الي حاول يرجع الوثنية وفشل). فالنس مسك الشرق وكان أريوسي متعصب جدا
مع المؤمنين ده بقى اللي التاريخ الكنسي بيذكره بمرارة. اضطهد الرهبان والأساقفة اللي متمسكين بقانون إيمان نيقية (الأرثوذكس). في عهده حصلت صدامات كبيرة مع آباء كبار زي القديس باسيليوس الكبير. فالنس كان بيشوف إن اللي بيخالفه في الدين هو عدو للدولة و رجع التعذيب الوثني للمؤمنين بطرق بشعة من الرمي للوحوش و قطع أجزاء الجسم و بحور الدم بحق المؤمنين الاتقياء.
كان بيكره الوثنين زي قسطنتيوس و بيضيق عليهم
نهايته انه مات محروق أو مقتول في معركة ادريانوبل ضد القوط، ودي كانت صدمة كبيرة خلت الناس تقول ده عقاب من ربنا.
===========
لما وصل ثيودوسيوس الكبير (Theodosius I) للحكم (حوالي سنة 379 م)، لقى في الإمبراطورية :
أريوسيين مسيطرين على الكنايس الكبيرة في القسطنطينية.
وثنيين لسه موجودين وبيحاولوا يرجعوا تاني.
انقسامات بتهدد وحدة الدولة نفسها.
ثيودوسيوس كان مؤمن بعقيدة نيقية (الأرثوذكسية) وتربى عليها في الغرب (إسبانيا)، فقرر ينهي الجدل ده :
مرسوم تسالونيكي (380 م): أصدر قرار جمهوري كده بيقول: "كل الشعوب اللي تحت حكمنا لازم تدين بالمذهب اللي بيؤمن بيه الرسل "، يعني الإيمان بالثالوث (الآب والابن والروح القدس إله واحد ازلي ابدي مش زي اريوس الي قال الابن اله مخلوق).
حرم الأريوسيين انه طردهم من الكنايس ورجعها للأرثوذكس، واعتبر الأريوسية هرطقة يعاقب عليها القانون.
ضرب الوثنية (391 - 392 م) : أصدر المراسيم الثيودوسية اللي منعت الوثنية ، قفلت المعابد، طفت النار المقدسة في روما، ولغى الألعاب الأوليمبية القديمة.
بجانب ده الشرح التاريخي انه كان سياسي بحت مش إيماني في المقام الأول بعدين ان سلمنا انه إيماني بحت و ده غير حقيقي
المسيحية اضطهدت ازاي ؟ يعني مش الحاكم باسم المسيحية ؟
هو اي حاجة فرغيف ؟
هل ما حدث من كلام المسيح او تعاليم الرسل و الاباء إن الايمان يبقي في السياسة ولا المسيحية واضحة من فم المسيح (اعطوا ما لقيصر لقيصر و ما لله لله انجيل مرقس 12 : 16-17) ؟
العنف اللي حصل ضد المعابد في أغلبه كان رد فعل شعبي، أو قرارات سياسية من الدولة عشان تنهي تمردات وثنية، وماكانش عقيدة مسيحية ولا تعليم كنسي. والكنيسة نفسها كانت بتوبّخ الحكّام لو زادوا في استخدام القوة؛ زي ما القديس أمبروسيوس وبّخ الإمبراطور ثيودوسيوس ومنعه من التناول بعد مذبحة تسالونيكي، لحد ما تاب وقدّم توبة علنية بدموع
امبروسيوس قله توبيخ قوي :
("قف مكانك! لا تحاول أن تدخل هنا، أيها الرجل الملطخة يداه بالدم البريء. لا تزد خطيئتك الأولى بخطيئة ثانية، وتقبل هذا القيد الذي يفرضه عليك الله، قاضي الجميع. فهذا القيد هو دواء لشفائك.")
و شرحت قصة مذبحة تسالونيكي بالتفصيل في المقالة ديه :
https://siervodejehova1.blogspot.com/2025/09/blog-post_23.html?m=1
و بردو حكمة الكنيسة و انقاذها للشعب في ثورة التماثيل كمان شرحتها بالتفصيل :
https://siervodejehova1.blogspot.com/2025/10/blog-post_20.html?m=1
====================================
بخصوص نقطة المسيحية الصهيونية ده بوست صحيح في أجزاء كبيرة منه بخصوص شرح لهذه الكلمة ضد الأكاذيب الي عرضها الدحيح :
https://www.facebook.com/share/p/1C8ZKjJE3k/
قلت في اجزاء كتير لان الملك الالفي فقط رمزي مش حرفي لان المسيح له مجيئين فقط مش تلاتة لكن كلامه عن العودة للارض حرفي و مش غلط
إن اللاهوت التدبيري جزء كبير منه حقيقي لكن في نقطة الملك الالفي رمزي عشان التفسير المنطقي السليم هو التفسير الاوريجاني الكليمندي و اه ده اسمه مش الاغسطيني لان اكليمندس السكندري من اباء القرن التاني و أوائل التالت اول شخص علم بيه و انا شرحت الملك الالفي في مقالة مفصلة تقدر ترجعلها من هنا :
https://siervodejehova1.blogspot.com/2024/09/blog-post_8.html?m=1
بس و سلام المسيح مع الجميع
اكتب رأيك في هذه المقالة