حي هو الرب لا يقتل (شبهة و رد)
ده هو نص السؤال :
١ وَكَلَّمَ شَاوُلُ يُونَاثَانَ ابْنَهُ وَجَمِيعَ عَبِيدِهِ أَنْ يَقْتُلُوا دَاوُدَ.
٢ وَأَمَّا يُونَاثَانُ بْنُ شَاوُلَ فَسُرَّ بِدَاوُدَ جِدًّا. فَأَخْبَرَ يُونَاثَانُ دَاوُدَ قَائِلاً: «شَاوُلُ أَبِي مُلْتَمِسٌ قَتْلَكَ، وَالآنَ فَاحْتَفِظْ عَلَى نَفْسِكَ إِلَى الصَّبَاحِ، وَأَقِمْ فِي خُفْيَةٍ وَاخْتَبِئْ.
٣ وَأَنَا أَخْرُجُ وَأَقِفُ بِجَانِبِ أَبِي فِي الْحَقْلِ الَّذِي أَنْتَ فِيهِ، وَأُكَلِّمُ أَبِي عَنْكَ، وَأَرَى مَاذَا يَصِيرُ وَأُخْبِرُكَ».
٤ وَتَكَلَّمَ يُونَاثَانُ عَنْ دَاوُدَ حَسَنًا مَعَ شَاوُلَ أَبِيهِ وَقَالَ لَهُ: «لاَ يُخْطِئِ الْمَلِكُ إِلَى عَبْدِهِ دَاوُدَ، لأَنَّهُ لَمْ يُخْطِئْ إِلَيْكَ، وَلأَنَّ أَعْمَالَهُ حَسَنَةٌ لَكَ جِدًّا.
٥ فَإِنَّهُ وَضَعَ نَفْسَهُ بِيَدِهِ وَقَتَلَ الْفِلِسْطِينِيَّ، فَصَنَعَ الرَّبُّ خَلاَصًا عَظِيمًا لِجَمِيعِ إِسْرَائِيلَ. أَنْتَ رَأَيْتَ وَفَرِحْتَ. فَلِمَاذَا تُخْطِئُ إِلَى دَمٍ بَرِيءٍ بِقَتْلِ دَاوُدَ بِلاَ سَبَبٍ؟»
٦ فَسَمِعَ شَاوُلُ لِصَوْتِ يُونَاثَانَ، وَحَلَفَ شَاوُلُ: «حَيٌّ هُوَ الرَّبُّ، لاَ يُقْتَلُ».
(صموئيل الأول ١٩: ١-٦)
نفهم إيه بقى من الكلام ده ؟
شاول كان ناوي يقتل داود، وده باين من أول آية: "أَنْ يَقْتُلُوا دَاوُدَ".
يوناثان، ابن شاول، كان بيحب داود جدا، وراح قال له "خبي نفسك، أبويا عايز يقتلك".
يوناثان راح لأبوه واتكلم عنه بكل خير، وقال له: داود ما غلطش فيك، ده بالعكس عمل حاجات كويسة جدا.
وفاكره لما قتل جليات ؟ أنت شفت وفرحت طب ليه بقى تقتل دم بريء ؟
ساعتها، شاول غيّر كلامه مؤقتًا، وقال :
"حَيٌّ هُوَ الرَّبُّ، لاَ يُقْتَلُ"
يعني حلف وقال إنه مش هيقتل داود.
==================================
طب يعني شاول كان صادق ؟
المشكلة هنا إن فيه ناس بتاخد الجملة دي وتقول: "أهو شوف، شاول بيقول مش هيقتله، يبقى كلام ربنا متغير أو مش حقيقي".
بس الحقيقة إن شاول نفسه كذاب ومش شخص صالح :
هو مش نبي ولا قديس ولا حتى راجل بار و ان كانوا دول بيغلطوا عادي لكنه مش منهم ديه نقطة.
ده بالعكس، الكتاب المقدس بيورينا إن شاول كان شخص شرير، وفعلا رجع تاني حاول يقتل داود بعد كده أكتر من مرة
وبعدين، هو قال "حَيٌّ هُوَ الرَّبُّ" دي مش وحي إلهي، دي كانت مجرد حلفان قدام ابنه، يعني شاول استخدم اسم الرب في حلفان كاذب.
==================================
نقطة تانية مهمة :
شاول بيحلف باسم الرب، وبيقول "لا يُقتل" يقصد بيها داود، مش بيقول إن مفيش قتل عموما، ولا بيقول إن الرب بنفسه اتراجع عن حاجة.
فـ لو حد بيستخدم الكلام ده عشان يعارض فكرة إن المسيح اتصلب، أو عشان ينفي نبوات العهد القديم، فده اسمه تهريج و تدليس، لأنه بيستشهد بكلام كذاب زي شاول ضد وحي الله ونبواته
أما بخصوص المسيح :
إحنا كمسيحيين بنقول إن المسيح مات جسديا على الصليب، وده معروف ومذكور في النبوات والإنجيل بوضوح.
ولما نقول إن الله مات، فإحنا بنقصد إن المسيح في جسده هو اللي مات، مش لاهوته.
زي ما الحديد المحمي بالنار، لو ضربته، أنت بتضرب الحديد المتحد بالنار، مش بتفصلهم عن بعض.
كده بالضبط طبيعة المسيح: لاهوت متحد بناسوت، والموت حصل في الجسد، مش في اللاهوت.
فا انت سايب كل النبؤات و النصوص و ماسك في اية مبتورة من سياقها مش بتتكلم عن الاله اصلا ؟
اكتب رأيك في هذه المقالة