ليه مينفعش كاهن متجوز يكون اسقف
حاليا في القوانين الكنيسة مينفعش لازم الاسقف يكون راهب او كاهن اعزب الكاهن المتزوج لا عشان يرعي زوجته و يربي اطفاله هيكون صعب حاليا جدا عليه يهتم باسقفيته و باسرته فنفس الوقت زمان كان ممكن و مسموح قبل وضع القوانين الكنيسة .زي مثلا :
القديس غريغوريوس النيسي اسقف نيس كان اسقف متجوز و زوجته القديسة ثيؤسِبيا
====
و عندك القديس بطرس الرسول كان متجوز زي ما ذكر الكتاب المقدس ذكر ان له حماة يعني متزوج في
(متي 8: 14-18؛ مرقس 1: 29-34؛ لوقا 4: 38-41)
بقي اسقف انطاكية بعدين بابا روما.
====
القديس هيلاري اسقف بواتيه كان له ابنة اسمها ابرا من زوجته
====
القديس سينيكيوس القوريني من اساقفة المدن الغربية الخمسة
====
و البابا سوتير بابا روما من سنة 166-174 كان متجوز
====
و غيره لكن طبعا كل دول في القرون الاولي و كمان قبل كهنوته و رسامته حتي يعني متجوزين بقوا كهنة بعدين تدرجوا في الرتب قبل القوانين الكنسية الي منعت ده عشان الراهب او المتبتل هيتفرغ تماما لاسقفيته و رعاياه بدون اي تفكير في اسرة منزلية لان اسرته هتكون ابناء ابرشيته بجانب المعلومات التاريخية بتقول كلهم بقوا بتوليين بعد تولي مناصب الاسقفية.
====
قوانين الكنيسة بتقول :
لا يُرسم أسقف إلا من بين الرهبان أو من الكهنة المتبتلين غير المتزوجين.
لأن الأسقف مسؤول عن رعاية أبرشية كاملة، و بيكون عنده :
مسئوليات رعوية كبيرة
تدبيرات مالية
إشراف على الكهنة
إدارة الرهبان والأديرة ساعات
يعني محتاج يكون متفرغ 100% من أي التزامات أسرية أو انشغال بيتزوج أو تربية أولاد.
فلو كان متزوج، طبيعي هيكون في انقسام بين اهتماماته :
هل يدي الوقت والاهتمام لزوجته وبيته ؟
ولا يديهم للأبرشية والشعب والكنيسة ؟
اكتب رأيك في هذه المقالة