مقارنة شاملة بين الاسلام و المسيحية

 

1

القديس الارمني فارتان ماميكونيان

القديس الارمني فارتان ماميكونيان (Vardan Mamikonian)

فارتان ماميكونيان كان واحد من اكبر قادة الارمن في القرن الخامس الميلادي وهو من عيلة ماميكونيان الكبيرة المشهورة بالبطولات العسكرية وكان قائد للجيش الارمني في وقت حساس جدا لان ارمينيا كانت متقاسمة بين الرومان في الغرب والفرس الساسانيين في الشرق والفرس كانوا عايزين يفرضوا الديانة الزرادشتية على الارمن ويجبروا المسيحيين يسيبوا ايمانهم وفارتان وقتها شاف ان ده معناه ان ايمان المسيح نفسه في ارمينيا هيضيع فاتجمع مع الاساقفة والرهبان والشعب وقرر يقاوم بكل قوته وعمل مجمع في مدينة ارتاشات سنة 450م مع الكهنة والاساقفة واعلن ان الارمن هيفضلوا على ايمان المسيح ومش هيتنازلوا عنه ابدا وبعت رسالة للخليفة الفارسي يقول فيها ان ايمانهم اقوى من الموت وانهم يفضلوا يموتوا على انهم ينكروا المسيح

الفرس ما عجبهمش الكلام ده وجهزوا جيش ضخم جدا يفوق اضعاف الجيش الارمني وفارتان اتحمس وقاد جيش صغير اغلبه مزارعين ورهبان ومسيحيين عاديين اتحولوا لمقاتلين عشان يدافعوا عن صليب المسيح والمعركة الكبيرة دي حصلت في سهل اسمه افاراي سنة 451م الجيش الارمني كان اقل بكتير لكن حارب بشجاعة عظيمة جدا وفارتان كان في الصفوف الاولى يشجع الجنود ويقولهم تمسكوا بالايمان لان احنا بنموت مع المسيح وبنقوم معاه

المعركة انتهت باستشهاد فارتان ومعاه الاف من الارمن وظهروا قدام الكل مثال للمسيحي اللي بيدافع عن ايمانه حتى لو بالسيف ضد اللي عايز يلغيه الفرس انتصروا عسكريا في اليوم ده لكن الارمن ما استسلموش بالعكس بعد استشهاد فارتان ورفاقه الكنيسة الارمنية كبرت اكتر وتمسكت بايمانها وفضلت المسيحية في ارمينيا ثابتة لحد النهارده

القديس فارتان اتكرم في الكنيسة الارمنية كبطل ايمان وشهيد محارب بيدافع عن الكنيسة والشعب واتكتب عنه انه كان رمز للوطنية المسيحية في ارمينيا وذكراه لسه بتتعمل كل سنة كعيد وطني وديني عند الارمن وبيفتخروا بيه انه قديس قاد جيش عشان يحافظ على ايمان المسيح ضد الاضطهاد

مراجع :
https://www.britannica.com/biography/Saint-Vardan-Mamikonian
https://www.armeniapedia.org/wiki/Vardan_Mamikonian
https://en.wikipedia.org/wiki/Vardan_Mamikonian
https://armenianprelacy.org/2023/05/24/death-of-vartan-mamigonian-may-26-451/
https://armeniadiscovery.com/en/articles/vardan-mamikonyan

صور له :

2

3

4

5

تعديل المقال