مذبحة الارمن (بالادلة التاريخية )

1

البابا كيرلس الرابع (ابو الإصلاح الكنسي)

 هو البطريرك رقم ١١٠ من بطاركة الكنيسة القبطية الأرثوذكسية، وبيتلقب بـ أبو الإصلاح. اتولد سنة ١٨١٦ في قرية اسمها نجح أبو رزقالي في محافظة سوهاج. من صغره كان محب للعلم والكنيسة، وراح دير الانبا انطونيوس واترهب هناك واتسمى الراهب داود. كان عقلية كبيرة وعنده غيرة مقدسة، وده اللي خلى الأراخنة والأساقفة يختاروه يبقى بابا. جلس على الكرسي المرقسي يوم ١٧ يونيو ١٨٥٤، وقعد حوالي ٨ سنين بس، لحد ما انتقل يوم ٣٠ يناير ١٨٦١ وهو عنده ٤٥ سنة، واندفن في الكنيسة المرقسية بالأزبكية.

اتعرف إنه أبو الإصلاح عشان عمل نهضة كبيرة للكنيسة : أسس أول مدرسة قبطية كبيرة في الأزبكية بالقاهرة، وفتح مدارس للبنات كمان وده كان جديد وقتها. كمان عمل مطبعة الأزبكية اللي طبعت الكتب الكنسية والصلوات لأول مرة بشكل منظم. اهتم بتعليم الألحان القبطية ونشرها . كمان عمر أديرة وكنائس، واهتم باللغة القبطية وحافظ عليها، ورتب الطقوس ونقح الكتب الكنسيةو من أهم الحاجات الي عملها إنه اتكلم عن ختان الاناث و بحسب المؤرخين رفضها و وصفها بأنها عادة وحشية و غير مسيحية 

كان علاقته كويسة ببعض بطاركة الكنائس التانية زي بطريرك الروم وأنطاكية، وحاول يعمل محبة ووحدة بينهم. وكمان حاول يصلّح علاقة الكنيسة بالدولة. لكن رغم محبته وإصلاحاته، واجه صعوبات كتيرة زي ان بعض الناس جوه الكنيسة كانوا شايفين إن إصلاحاته سريعة زيادة او بدون فايدة والأتراك والباشاوات كانوا متخوفين من التعليم اللي بينشره. كمان بعض الأراخنة الأغنياء وقفوا ضده عشان هو سحب منهم سلطات وخلّاها في إيد الكنيسة.

ورغم إنه قعد فترة قصيرة كبابا، إلا إن أثره كان كبير جدا. هو اللي أسس نهضة التعليم القبطي اللي كملت بعده، وكل البطاركة اللي جم استفادوا من الإصلاحات اللي عملها. عشان كده الكنيسة لحد النهارده بتسميه أبو الإصلاح، لأنه فتح باب جديد للمعرفة والتعليم والنهضة الروحية.

صور البابا كيرلس الرابع :

2

3

4

5

6

تعديل المقال