عادة قطع الجمل من السياق لتزوير الحقائق ولتزوير التاريخ
في بداية عام 2010 الإعلامي عمرو أديب عمل لقاء مدته ساعتين مع البابا شنودة
اللقاء تناول فيه بعض المواضيع بخصوص علاقة الكنيسة ببعض القضايا
من ضمنها موضوع فتحه عمرو أديب اللي هو كان عن زكريا بطرس وكلامه عن الإسلام
وكان عمرو أديب نفسه فتح حوار مع الأنبا بيشوي مطران دمياط وكفر الشيخ وسكرتير المجمع المقدس بخصوص نفس الموضوع في لقاء آخر عمله معاه
عمرو أديب عمل حركة في قمة القذا.رة إنه يطالب الكنيسة بمهاجمة شخص خارج مصر وموقوف من الكنيسة من الأساس ومطالبته بشلح القمص زكريا بطرس اللي هو حوار لا يخصه وليس له دخل فيه وملوش حق إنه يطالب بيه إن الكنيسة تشلح او متشلحش
في لقائه مع البابا شنودة قبل ما يفتح معاه الموضوع دخل بأسئلة إستدراجية بإنه يسأل هل لو فيه كاهن جالك وقالك عايز أبشر بعض المسلمين هتقوله روح ولا لا
راح داخل في العقيدة نفسها وقالك هل العقيدة المسيحية نفسها بتنادي بالتبشير
فضل ماشي معاه ع المنوال دا لحد لما لقى إنه مش واخد منه كلمة راح قاله اسم زكريا بطرس صراحتًا وتحول الموضوع عنه
ذكر البابا شنودة إنه موقوف من الكنيسة زي ما معروف إنه تم وقفه وبعدين طلب تسوية معاشه وأستقال وتم قبول طلبه ومن ساعتها لا علاقة له بالكنيسة المصرية
وطبعًا السؤال الإستدراجي الحقير من عمرو أديب اللي بيحاول يقحم بيه الكنيسة بالحوارات دي وأكنها مسؤولة ولها ذراع أو ع الأقل أكنها عليها مسؤولية كلامه أو مسؤولية محاولة إيقافه ومهاجمته
بتكلم عن طلب عمرو أديب للبابا شنودة والانبا بيشوي بشلح ومهاجمة القمص زكريا بطرس اللي لو سمعوا بكلامه تبقى الكنيسة أقحمت نفسها في قضيته وعليها عبء إنها تسكته لأن الموضوع مكنش هيقف عند مهاجمته وشلحه بل كل ما شخص هيتكلم ويطلع الكنيسة هينظر إليها إنها عليها مهاجمته وإلا تكون هي اللي مسؤولة عنه بل وهيتقال إنها بتقوم بتمويله واللي بالمناسبة بتتقال اصلاً دلوقتي
وذكر عمرو أديب إن طلبه هو لإخماد غضب المسلمين لعدم حدوث أعمال عنف
وأكن جُرم وإرها.ب الشعب دا هو مسؤولية الكنيسة مش عيب من بؤرة وشعب الإرها.بيين نفسه اللي عايشين وسطهم
اللي هو طول عمرنا نسمع ناس بتزدري وتحقر من المسيحيين ودينهم علنًا وعمرنا ما شفنا تفجيرات واعمال ارها.ب وعنف من المسيحيين
بل موقفش بيه الموضوع لحد هنا بل وحاول يسخف من موضوع إن فيه ناس بتزدري المسيحيين وبتزدري الدين المسيحي علنًا من داخل مصر وإدعائه الكاذب إنهم قايمين بدورهم اتجاه الناس اللي بتزدري الدين المسيحي
وتسخيفه من إن فيه عشرات الشيوخ من داخل مصر بيهاجموا المسيحيين والدين المسيحي علنًا ومئات الكتب بتطبع وتتباع داخل مصر وعشرات القنوات الفضائية اللي قائمة على الحوار دا وكلام الشيوخ اللي بيتكتب في جرائد زي جريدة الأهرام داخل مصر بيهاجموا فيها المسيحية
نيجي بقى للنقطة المقصوصة من كلام البابا شنودة اللي بياخدوها
البابا شنودة قبلها ذكر إن عشرات الشيوخ المعروفين بيزدروا ويحقروا ويهاجموا المسيحيين والإيمان المسيحي علنًا من داخل مصر عن طريق قنوات فضائية وعن طريق كتب وغيره وغيره
وذكر إن طلبه بمهاجمة زكريا بطرس مينفعش في ظل وجود العشرات دول وزي ما هيتقال عليه إنه سايب الناس اللي بيهاجموا المسيحية داخل مصر ورايح يتشطر في فرد واحد خارج مصر
الفكرة اللي قالها الأنبا بيشوي بشكل أوضح هي نفسها اللي قالها البابا شنودة
طلاما هنهاجم شخص بيهاجم دين معين يبقى بالأولى نهاجم الكل مرة واحدة من ضمنهم عشرات الشيوخ داخل مصر وليس التشطر على فرد واحد خارج مصر
-------------
أولاً علاقة القمص زكريا بطرس بالكنيسة القبطية الأرثوذكسية وتاريخ خلافاته معاها
حسب كلام البابا شنودة والانبا بيشوي زكريا بطرس وقع في خلافات عقيدية مع الكنيسة في بعض المسائل منها ما تم تسميته بدعة الخلاص في لحظة اللي قيل إن دا تعليم غير أرثوذكسي وتم مهاجمته بسببه
تم عزله في عهد البابا كيرلس السادس وبعدها تم إرجاعه
وقع في خلافات مع الكنيسة أنتهت بالحكم بإيقافه بقرار من المجمع المقدس لحد ما أمر بتسوية معاشه وقدم طلب إستقالة تم قبوله من الكنيسة
السؤال هنا بقى
شخص وقع اصلاً في خلافات مع الكنيسة
والكنيسة حكمت عليه بإيقافه
انت بقى على أي أساس بتطالب الكنيسة بشلحه
شخص الكنيسة خدت قرار بإيقافه أنت تطالب الكنيسة بشلحه بتاع ايه
لا هي شغلتك ولا من حقك اصلاً تطالب الكنيسة بحاجه زي كدا
بس السؤال الأهم أنت كمسلم مستفيد ايه اصلاً من ان الكنيسة تشلحه او تهاجمه او تقوله اسكت ؟
انت مستفيد منزكدا عشان الهدف هو إقحام الكنيسة في هذه الأمور وأكن الكنيسة عليها عبء ومسؤولية إسكاته وبالتالي الموضوع لن يقف عند زكريا بطرس بل أي شخص عشوائي معروف أو غير معروف هيطلع يقول كلمتين او يعمل حاجه هيتم إعتبار الكنيسة مسؤولة عنه ومطالبة بإقافه
عشان كدا البابا شنودة والأنبا بيشوي ذكروا نقطة إنه وقع في خلافات مع الكنيسة وإن الكنيسة خدت عليه قرار بسبب خلافات دارت بينه وبين الكنيسة نفسها
عشان يقولوا إن الشخص دا اصلاً لينا معاه خلافات فبالتالي على اي اساس بتخلوا الكنيسة مسؤولة عنه او مطالبة بمهاجمته
--------------
موقف عمرو أديب
عمرو أديب لا يخفى عن الأغلبية إنه من معاتيه الإعلام المصري وأحد عصارة الزفارة الإعلامية في مصر مش بسبب الحوار دا وحده لكن بسبب تاريخه الإعلامي الزفر
موقف عمرو أديب هنا هو إنه أخد موقف المتطرفين والتكفيريين اللي كانوا عايزين يربطوا حوار زكريا بطرس بالكنيسة ويجعلوا الكنيسة مطالبة بإيقافه وإلا تبقى مسؤولة عنه
عمرو أديب خد الصف دا وعمل على تنفيذ مخطط إقحام الكنيسة في حوار زكريا بطرس وجعلها مسؤولة عنه والموضوع زي ما قلت لم يكن ليقف لحد زكريا بطرس وشكرًا على كدا
دا غير تسخيفه للي ذكروه البابا شنودة والأنبا بيشوي عن ان بيتم مهاجمة المسيحية والمسيحيين من داخل مصر عبر فضائيات وكتب وبطرق مختلفة
قام بتسخيف هذه المواضيع واكن لا يوجد عليها اشكال واكن الموضوع مسيطر عليه بجانب مطالبته الحادة من الكنيسة لمهاجمة زكريا بطرس وأكن الكنيسة عليها عبء هنا
بعد سنين كان زكريا بطرس طلع تريند في مصر تاني سنة 2022 بسبب انتشار بعض فيديوهاته وخرج هاشتاجات بالمطالبة بمحاسبته وحصلت هيصة والكنيسة ساعتها طلعت بيان قالت فيه نفس اللي قاله البابا شنودة والأنبا بيشوي في 2010 عن ان الكنيسة لها خلافات معه وليس لها علاقة من عام 2003 من قبل ما يبدء نشاطه اصلاً ولحد دلوقتي
اللي يسمع عمرو أديب سنة 2022 لما برئ الكنيسة من حوار زكريا بطرس وقعد يقول ولا يشغل بالكوا دا اتعاملنا معاه من 15 سنة
ميسمعوش سنة 2010 وهو ماشي بنفس منطق السلفيين والإخوان ومحاولة إقحامه للكنيسة وجعل الكنيسة مسؤولة عن تطرف الشعب زي ما ذكر الأنبا بيشوي إن شعب الكنيسة في برايتون كان بيستنجد من المتطرفين إنهم كانوا هيولعوا في الكنيسة عشان الأنبا بيشوي كان عارف اللي بيدور في دماغ عمرو أديب وغيره
-----------
بيقول أنا بتسائل ردوا عليه
ليه البابا شنودة قال الجملة دي ؟
موقف الأنبا بيشوي في الحوار دا هو نفسه موقف البابا شنودة
البابا شنودة والأنبا بيشوي عارفين إن زكريا بطرس ليس فعل بل ردة فعل
وعارفين إن زي ما فيه غيره كتير بيهاجم الإسلام وفيه قبلهم كتير بيهاجم المسيحية
حتى البابا شنودة قال لعمرو أديب هل تفتكر إنه الوحيد اللي بيتكلم عن الإسلام
وقاله كمان هل تفتكر لو هاجمناه هيسكت عمرو أديب قاله عنه ما يسكت
طب ما كان عنه ما يسكت فعلاً يبقى أنت هدفك مش إسكاته كدا أنت هدفك جعل الكنيسة مسؤولة ومطالبة هنا وعليها حمل مسؤوليته
نروح لنقطة مهمة الأول
زكريا بطرس فعل ولا رد فعل ؟
اللي بيحاولوا يروجوا بإن زكريا بطرس فعل وهما رد فعل واللي بيحاولوا يقحموا البابا شنودة والكنيسة في الحوار ويقصوا في الجمل ويزوروا في التاريخ
هما اللي عمرهم ما هيقولوا ليك إن قبل زكريا بطرس كان فيه من داخل مصر ومن على المنبر عبد الحميد كشك اللي كان بينتقد وبيقلل من العقائد المسيحية علنًا ولسه خطبه اللي فيها تقليل من العقائد المسيحية بتذاع من المسلمين لحد دلوقتي وبتتلحن كمان
دا غير وجدي غنيم الإرها.بي القذ.ر اللي كان ليل نهار سب وإستهزاء في كل ما يخص المسيحية والمسيحيين
قبل وبعد وأثناء فترة زكريا بطرس ومن داخل مصر ومن قلب الأزهر وأمثال الحويني وسمير مصطفى وزغلول النجار ومحمد عمارة وغيرهم وغيرهم في فضائيات وكتب وجرائد
ومن قلب الأزهر حتى من قبل ظهور زكريا بطرس كان يتم إصدار كتب لنقد وتسخيف ومهاجمة الإيمان المسيحي بل ولتكفيرهم وإصدار أحكام متطرفة ضدهم
ودا اللي أشار إليه الأنبا بيشوي والبابا شنودة
إن زكريا بطرس ليس كما يتم تصويره إنه فعل وليس ردة فعل
كلام البابا شنودة والأنبا بيشوي عن ذكر اللي بيهاجموا المسيحية من داخل مصر ليس عبثيًا بل لتوضيح إن زكريا بطرس هو ردة فعل ليس كما كان يتم ترويج عكس ذلك
وللإشارة إنهم لو هيهاجموا حد بينتقد الدين فبالأولى كانوا هينتقدوا الأول اللي بيهاجموا المسيحية من داخل مصر بطرق مختلفة ومن قبل ظهور زكريا بطرس
وهنا نيجي لإقتراح الأنبا بيشوي لحل الخلاف
لو عايزين الكنيسة تشلح او تهاجم زكريا بطرس إذًا
إقامة مجلس حكماء نصفه مسيحيين والنصف الآخر مسلمين يترأسه البابا شنودة وشيخ الازهر أو مندوبين عنهم لعمل ميثاق بإحترام الأديان
أنت هدفك تخلي الكنيسة مسؤولة عن أي حد بيهاجم الإسلام ف معلش ناخد ميثاق ويبقى الأزهر عليه مسؤولية كل شخص يهاجم المسيحية
عايزني أتحط في مسؤولية تتحط في نفس المسؤولية معلش محدش أحسن من حد
وأنا أرسل تحية لموقف الأنبا بيشوي والبابا شنودة وقتها لان موقفهم دا منعوا محاولة إقحام الكنيسة في مسؤولية أي شخص يتكلم عن الإسلام بجانب موقفهم إتجاه ذكر كل اللي بيهاجم المسيحية من داخل مصر وطلبهم طلاما هنهاجم زكريا تهاجموا
طلاما هناخد موقف ونشلح تاخدوا موقف وتوقفوا أو تجردوا مناصب
طلاما هيتحط علينا مسؤولية يتحط عليكم مسؤولية
رفض هذا الطلب معناه خلاص ملكش عندي حاجه وملكش حق تطالبني بأي حاجه
وهنا بيظهر المعنى الحقيقي لجملة البابا شنودة "دا بيقول أنا بتسائل ردوا عليه"
معناها انتوا شايلين ايديكوا من اللي بيهاجموا المسيحية من داخل مصر ومن داخل الأزهر وعبر فضائيات وكتب وجرائد يبقى إحنا كمان شايلين إيدينا وملناش علاقة لا بزكريا بطرس ولا بغيره ولا مطالبين بأي حاجه
ومعنى قول البابا شنودة إن زكريا بطرس بيقول أنا بتسائل ردوا عليا معناها يا عمرو أديب إحنا ملناش علاقة بالموضوع دا طلاما مش شايف مشكلة في مهاجمة المسيحية ومش بتطالب بأخذ موقف زي ما بتطالب بأخذ موقف هنا يبقى خلاص شوفوا هو عايز ايه واتصرفوا معاه بيقول إنه بيتسائل ولا بيقول إنه بيعمل كوارع ولا أي هري بقى
وطلاما أنت يا عمرو أديب واخد صف اللي عايزين يقحموا الكنيسة في حواره ف معلش إحنا ملناش علاقة بيه وشوف بقى زكريا دا عايز ايه وحلو خلافكم معاه بعيد عننا طلاما أنت مش شايف إن لازم يتاخد موقف إتجاه مهاجمة المسيحية من داخل مصر ليل نهار بشكل علني يبقى اللي بيعمل كدا يحل خلافه معاه مش معانا إحنا
والتاريخ يشهد مين فعلاً اللي علطول بيتهاجم بكل الطرق وبيتم محاولة قمعهم بكل الطرق الممكنة
لو هنقارن فالمسيحيين جه على حقهم أضعاف ما تتخيل بسنين ضوئية من اللي بتحكي فيه
فالتاريخ أيها المسلم طول ما هو متسجل لا يمكن تزويره للأبد حتى لو خدعت بعض الناس بالقص بتاعك وتزويرك
من الأخ Os Si
اكتب رأيك في هذه المقالة