في الواقع انا علي عكس ناس كتير بحب اسمع كلام الاعداء جدا و وجهة نظر الشخص اللي ضدي تقريبا هي زاويه جديده للنظر في اي حاجة
لو فيه سبب خلاني احب الراجل اللي في الصوره ده
فهو اعدائه و اعدائه كلهم 5 انواع مبيطلعوش براهم
العدو الاول هتلاقيه صحفي بيقول علي نفسه علماني و لكنه في الواقع بيدافع عن ديكتاتورية الدولة و بيرحب بالدولة انها تتدخل في شئون الكنيسة
و يحب ان الكنيسة ميكونش ليها رأي سياسي و تكون بلا صوت و الصحفي الطبال يبقي صوتها
العدو الثاني هتلاقيه اكليركي زاد عن اصحابه الاكليركين انه درس في الخارج و رغم قلة مواهبه في الوعظ و تحيزه و فشله في جذب الناس حواليه الا ان عنده استحقاقية كبيرة و شايف ان هو معلم الكنيسة الاوحد و المجمع لازم يسمع كلامه و لما يلاقي ان كلامه متاخدش بجدية هيشتم الكنيسه علي اساس انه جريء و اول ما الكنيسه تاخد معاه اجراء هيقول الكنيسه ديكتاتوريه و هيترمي في حضن الصحفي اللي في الاول
العدو الثالث هو قسيس لا طائفي طايفة تانية في صراع داخلي ما بين انه يكون علي طايفته و ما بين انه يحس بالانتماء التاريخي للكنيسه القبطية
يتناول بقي يعمد ولاده في السر يتجوز و لما يموت يصلي عندنا
طبعا بالنسباله وجود بطرك يقوله التزم بمكانك و حدد انت مين
دي طبعا وقاحة ازاي يا بطرك يا ارثوذكسي رافض وجودي في كنيستك الارثوذكسية علشان يدوب رافضها و مهرطقها و بشتمها في المنبر عندي
و هتلاقيه بيرحب بالاتنين اللي فوق كنوع من الوحدة
العدو الرابع بيكون من اصحاب الجلابية السودا (كاهن بقي اسقف راهب اللي تشوفه)
و ده ساعات بيكون فعلا مختلف او عنده رأي محتاجين نبص عليه و ساعاتت انية بيبقي عايز يتحرر من السلطة اللي فوقه لأسباب مالية او ادارية بس لسبب مجهول بيحتضن ال3 اللي فوق علشان يلاقي لنفسه ضهر
و العدو الخامس سياسي بيرعي مصالح الاربعة في سبيل انه يلاقي ورقة ضغط علي الكنيسة
يا تري بقي تقدر تقولي مين هو البابا شنودة ؟
منقول من المحبوب Constantine Theodosius
اكتب رأيك في هذه المقالة