يعني انت بتنكر النور المقدس و شايفه تمثيليه
حلو جدا ...هل انت تقدر تعمل زيه
بدون ما تقولي فسفور ابيض زي احمد سبيع اللي مستحمش الريحه و كان هيكح
او ادم المصري اللي خاف يعمل تجربة الاشعال الذاتي علشان ميولعش في البيت
او محمود داود اللي طفي النور و حط علي جسمه ماده عازله للحرق علشان يقوم بالتجربه قدامك
او شريف جابر اللي صور نفسه بيهش النار و يطلع في الكادر انه بيلمسها علشان ينكر الصور و في الاخر الناس طلعت في فيديوهات اللي بيحط النار علي دقنه و علي جسمه
هل فيه واحد منهم قدملنا تجربة نار مبتحرقش لفتره معينه
بشكل صحيح و كامل يقدر يفسرلنا ازاي فيه ١٧٠٠ واحد ماسكين شمع مزنوقين في بعض بدون ما حد يطلع بحرق واحد ؟
اه انت قدرت تقدم خمسين تفسير لكن مقدرتش تقدم تجربه كامله
هل فيه حد ساعة ظهور العدرا في الستينات
قدر يقدملنا نفس الظهور بنفس الامكانيات و الجوده
....اه انت تقدر تخترع خمسين تفسير لكن عمرك ما قدرت تقدم التجربه كامله
فأرجوك متستهلكش نفسك و تستهلكنا في مناقشات غبيه
لو انت بتنكر انها معجزه شاطر ....انت دلوقتي مضطر تقول ان الكنائس التقليديه في دول العالم التالت تمتلك تقنيات مجهوله بالنسبه للعلم و دول العالم الاول و المنطق و يعجز عن تفسيرها في عملية الابهار البصري ...متحاولش تقول اكتر من كده لأن معندكش حاجه تقولها اكتر من كده
-واحد محترم هيقولي حتي لو دي معجزه ايه الفايده اللي بتحل علي المسيحين منها هي لا شفاء امراض ولا اخراج شياطين ولا اشباع جموع ولا قيام موتي ..ايه لازمتها
الرد : بنفس طريقة تفكيرك دي وش موسي لما نور قدام الناس لدرجة انه غطي وشه دي معجزة مالهاش لازمه
رغم انها ادت ثقه كبيره للناس و اديتهم تعزيه
ده العليقه اللي شافها موسي بالنسبالك مالهاش لازمه ...رغم انها كانت كافية انها تحرك بني ادم يواجه اعظم امبراطوريه علي الارض ...مش كل المعجزات لازم يكون لها جدوي اقتصاديه علشان ترضيك فيه معجزات كتير ليها دور نفسي و وجداني للناس ...خليك فاهم نعمة الله ان ليها اشكال كتير
و كمان المعجزه عمل نعمة ممكن تحصل مع الخطاه مش هتحصل مع مختلفي الايمان ؟؟
هتقولي بتحصل ليه لبطرك اورشليم الخلقدوني فقط خقولك اختلافك مع الكنيسه الخلقدونيه اصلا اختلاف سياسي من البداية قبل ميبقي عقيدي مع روما...ايه ذنب كنيسه اورشليم ؟
و تعالي اقولك ان قبل الانشقاق كانت كنيسة روما شايفاها معجزه و بعدها شافتها خرافه بقدرة قادر 😂 و كمان تقدر تراجع الشرح ده لدياكون ديسقورس في تفسير دسم لهذه النقطة :
https://www.facebook.com/share/p/1N8fYiaL54/
و معاك البحث ده بعنوان (النور المقدس – أكذوبة أم أعجوبة؟! – فيليب كامل (مراجعة الأنبا أنجيلوس أسقف كنائس شبرا الشمالية)) في شرح كامل بكل الادلة علي حقيقة المعجزة :
https://www.christianlib.com/31236.html/%D8%A7%D9%84%D9%86%D9%88%D8%B1-%D8%A7%D9%84%D9%85%D9%82%D8%AF%D8%B3-%D8%A3%D9%83%D8%B0%D9%88%D8%A8%D8%A9-%D8%A3%D9%85-%D8%A3%D8%B9%D8%AC%D9%88%D8%A8%D8%A9%D8%9F/
و بخصوص معجزة العذراء مريم في الزيتون ديه ادلة كتير من كل صحف العالم بخصوصها ضد الأكاذيب :
https://siervodejehova1.blogspot.com/2025/04/blog-post_2.html?m=1
اكتب رأيك في هذه المقالة