النهاردة هتكلم عن حاجة من اكتر الحاجات الي بنعاني منها في مجتمعاتنا الا و هي إدمان العادة السرية و الاباحية خاصتا في فئة الشباب و المراهقين .
الاباحية : هي بكل اختصار حب الجنس خارج اطار الزواج و تتمثل في مشاهدة الأفلام و الصور الجنسية او العلاقة خارج الجواز (الزنا) .
العادة السرية او الاستمناء هي إخراج الحيوانات المنوية من الجسم بطريقة رضائية يعني انت عايز كده مش بتخرج لوحدها في الدورة عند الرجال (الحالة الي العضو بيكون منتصب فيها خاصتا في الصباح).
ازاي الحاجات ديه بتسبب إدمان و ايه مخاطرها و ازاي اتخلص منها .
هشرحلك واحدة واحدة :
اولا الموضوع بيبدأ من صورة بعدين صور بعدين إعلانات بتظهرلك بعدين تحاول تقاوم و متقدرش تضعف فا تدخل تبحث عن هذه الصور و المواقع تدخل تشوف مقطع ورا مقطع مقطع ورا مقطع و انت كمان محمل بمشاعر جنسية غير عادية تقوم مخرج النشوة الي جواك انت كده خلاص دخلت في الإدمان.
================================
الاضرار لهذا الفعل الشنيع :
و بسبب هذه العادة انت هتحس بتدمير و خراب كتير جدا فحياتك سواء تدمير نفسي زي الإرادة الضعيفة . انكسار الهيبة. انعدام الثقة في النفس حرفيا. جلد الذات.
و الاذية الجسدية زي الصداع الرهيب لدرجة لا تحتمل. الام و خمول فكل اعضاء الجسم من راسك لرجلك. الام الظهر خاصتا أسفل العمود الفقري. زغللة في العين. و ضعف البصر .
الام في الرجل الي ممكن بتسبب انك تمشي تعرج خاصتا في الركب لان الي بيسبب الالام ديه هو انه هذه العادة بتسحب و تاخد الفيتامينات و الطاقة من الجسم عشان كده بردو هتحس بتعب و ارهاق بعد ممارستها. ممكن كتر الإدمان الي بياخد سنين كتير يجبلك تورم و الام في العضو او سرطان البروستاتا او سرطان الخصية.
و كمان بجانب كل الألم و المشاكل الي فوق و في غيرها كتيير المشاهد الي انتي بتشوفها و الاحجام سواء عند الممثل و الممثلة و السرعة و كل ده كل ده مزيف غير حقيقي ابدا.
بل تم أخذ عليها هرمونات و عمليات و جراحات و تكبير
الألم بتاع الممثلين مبيشعوروش بيه لأنهم بياخدوا أدوية و اقراص مخففة للالم قبل هذه المشاهد و المشهد الواحد ياخد ايام و اسابيع عشان يتنفذ فا كل ده كذب و تمثيل و زيف.
متفتكرش ان ده حقيقي او ان العلاقة في الواقع نفس الكلام الي في الافلام لا ابدا هذه الأفلام تصور لك العلاقة علي اساس الجنس فقط و هذا خطأ مدمر .
لان العلاقة مرتبطة بعواطف بزواج بحب باحترام بمسؤولية مش جنس بس.
==============================
طب ايه الحلول لهذا الإدمان :
اولا قبل كل شئ ترجع لربنا بتوبة حقيقية و اعتراف حقيقي.
ثانيا بأنك يكون عندك ارادة تبطل العادة ديه و تبطل تتفرج علي الاباحية اهم شئ الإرادة.
ثالثا بأنك تشغل وقتك مثلا انك :
تقرأ في كتب
تتعلم مهارة جديدة او تذاكر و تهتم بالدراسة.
تسمع اغاني و ترانيم
تصلي
تلعب جيمز علي الأجهزة او تلعب حجز كورة في الاستاد
تنزل تشتغل او تهتم بشغلك
كل ديه حاجات تشغل وقتك بيها لأنك لما تشغل وقتك مش هتفكر بيها
وقت الفراغ هو الي بيخليك تفكر فيها ممكن تدي نفسك وقت فراغ تفكر فحاجات تاني زي حلول مشاكل او عشان تبدع في شئ و كده.
لكن عشان الأفكار ديه متتسللش في دماغك اشغل وقتك .
و كمان افتكر ان الحاجات ديه زنا روحي و جسدي بس باب التوبة دايما مفتوح ليك للرجوع و انك بتطل و تخلص منها .
====================================
بس كده اتمني تكون فدت اي حد بالمقالة ديه و ربنا يساعد كل مدمن .
اكتب رأيك في هذه المقالة